Perjalanan menyelusuri Sungai Temburung cabang ke 2 menuju ke Sungai Negalang Iring.
Now menyelusuri Sungai Negalang Iring, kali pertama setelah 17 tahun ditinggalkan.
Welcome to Kampong Belais, (sory gambar kurang jelas, ujan kali ah) terletak kira-kira 20 KM dari Pekan Bangar, mun jalan kaki slim jua lehnya.
Pondok pancing yang dikendalikan bersama oleh Syarikat Koperasi Kampong Belais dan penduduk Kampong Belais. Kampong Buda-Buda pun join venture tia jua.
Janjaran pondok-pondok memancing Udang Galah ditebing-tebing sungai yang dibina di Kampong Belais untuk memajukan kampong bisdia, KNK lah katakan.
Cetusan Keringat Jaya Warisan
Ani tempat membayar untuk sesiapa saja yang ingin memancing menggunakan pondok tadi.
Lastly lepas melawat Kg Belais, jalan tah lagi ke Kg Selapon yang di ulunya ada sungai mengalir and berbatu-batu (karangan). Iatah tempat kunjungan sebilangan pelancong and orang-orang berdekatan tuk bermandi-manda. Airnya sejuk ada pat dalam and tuhur. Tapi airnya masa ani kabut sikit sal lepas ujan. Lau nda ujan baru airnya jernih. Btw diakui bersih ne air nya ah. (gambar bawah)
Ani pat tuhur ne, slalunya kanak-kanak saja disini pasal airnya deras, sesuai untuk Boya Gauk ne.
Pondok untuk berteduh pun disediakan disini untuk pengunjung-pengunjung, asal awal datang.
Dalam perjalanan balik menyelusuri sungai, kelihatan kelibat-kelibat yang sedang memancing Udang Galah and singgah tah sekajap, uja nya nda ia belurih.
Nah belurih jua tu, pandai durang ani, tapuknya dibawah udang galah yang basar ah.
Ne nah yg basar tapi sapitnya satu saja lagi, yang satu lagi antah kemanakah. Kata pengail atu, ani lum lagi basar ne.
Lastly beli lah, murah lau beli tarus rah durang ani ($10 sekilo). Ani baru fresh nah, datang kerumah pun masih hidup udang galah ani.
.jpg)
